CARANO

Carano Minangkabau

Carano adalah atribut dan alat perlengkapan upacara adat Minangkabau. Carano berbentuk wadah sirih pinang yang unik terbuat dari loyang. Garis tengahnya 60 cm dan tingginya 62 cm, biasanya tertutup setidaknya dengan kain delamak (sarilamak). Dalam petata petiti adat Minang, Carano datang nan dari tanah Banja bernama carano basa. Banja dimaksud sebuah cikal bakal nagari yang hanya dihuni satu suku.

Carano simbol kemuliaan bagi penghulu dan rajo serta orang nan-4 fungsi keluarga adat yakni (1) urang sumando, (2) mamak rumah, (3) mande bapak dan (4) anak daro (mempelai wanita). Bagi mereka carano berdaya fungsi untuk 

1. Perlengkapan syarat mamanggia (memanggil) penganten lelaki dan upacara adat manta sirih (mangantarkan sirih), 

2  Perlengakapan syarat dimulainya persidangan adat, memolia (memuliakan) orang-orang nan gadang basa batuah (penghulu /datuk atau ninik mamak) disamping mengasihi nan ketek (menyayangi yang kecil) dengan symbol rokoh dalam gelas pada upacara adat seperti upacara baiyo-iyo (minum kopi malam, memperhitungkan kapan helat perkawinan akan dilangsungkan), 3 Alat penghormatan pada tamu dalam acara serimonial, 

4 Bukti nasib mujur di Minangkabau, dll.

Dalam upacara adat tadi, carano berfungsi untuk mencairkan kebekuan sa’at upacara adat itu akan dimulai. Disediakan carano, sebelum kato dimulai, sabalum karajo dikakok (dikerjakan), adat duduak siriah mayiriah, adat carano bapalegakan (dilegakan). Karenanya di Minangkabau ada pidato adat khusus yang disebut pidato sirih pinang biasanya untuk menyambut kedatangan tamu termasuk penganten pria atau pidato adat sekapur sirih pembuka bicara dalam upacara adat Minang.

Isi carano berupa sirih langkok (lengkap), di dalamnya tersimpan sebuah pesan kaum keluarga anak daro (penganten wanita) kepada kaum keluarga marapulai (penganten pria). Pesan itu intinya, semua yang terbaik dimiliki pihak keluarga anak daro, dipersembahkan kepada pihak keluarga marapulai, diawali dari carano dan isinya satu persatu sirih langkok.

Sirih lengkap dimaksud adalah sejumlah sirih tersusun dilengkapi dengan bahan untuk memakan sirih, di antaranya berupa pinang, kapua (sadah), gambir dan tembakau. Sirihnya diidentifikasi dalam pateta petiti adat: di lotong pada sirihnya, sirih tambalan kuku balam (tekukur), gagangnya berbatang putus, buahnya intan dengan podi (permata indah), bunga lada basaluak (melingkar) batang, buah diambil ketanaman, daun diambil ke gusuak (gosok) mandi. 

Carano masih kuat fungsinya sampai sekarang sebagai perlengkapan adat Minang. Simbol nasib baik, kalau lagi mujur baselang (banyak) carano datang. Simbol penghormatan terhadap orang-orang besar dan bertuah, yakni penghulu (datuk atau ninik mamak lainnya) di daerah inti Minang Luak nan-3 (Tanah Datar, Agama dan 50 Kota) atau raja (datuk atau ninik mamak lainnya) di daerah rantau Minangkabau (Pesisir Pantai Barat Sumatera, dari Natal sampai Mukomuko) atau Pesisir Pantai Timur Sumatera (Kuntu Kampar, Sabak) bahkan sampai ke Negeri Sembilan Malaysia dan Alor di Malaka yang melaksanakan adat Datuk Perpatih nan Sabatang, dll. Carano juga masih dominan tingkat keterpakaiannya sampai sekarang di dalam penyambutan tamu pada acara serimornial Sumatera Barat terutama untuk memuliakan preseance yang fungsi sosialnya lebih tinggi (tamu VIP). Demikian vitalnya carano dalam adat, Rajo Alam di Minangkabau pun disimbolkan sebagai carano.

---------------------------------------

Pasambahan Sirieh Di Carano

AMPUN AMPUN, ampun ampun, ampun baribu kali ampun.

Ampun kapado niniek mamak nan gadang basa batuah, iyolah urang nan ampek jinih di nagari, pangulu nan saandiko, manti nan sasipek, malin nan sakitek, dubalang nan sadorek, sarato urang tuo-tuo, alim ulamo jo cadiek pandai, suluah bendang dalam nagari. 

Sungguahpun nan bak itu, sambah nan indak balupokan, kapado nan duduak sahamparan, nan baselo bajabektan, nan salangkah didaulukan, nan sarantiang ditinggikan. 

Lalu pulo ka nan basamo, nan langkok papek kasadonyo, kok gadang indak kadisabuik gala, kok kaciek indak kadisabuik namo, aluran mande sayo pamande, aluran bapak sayo pabapak, aluran kakak sayo pakakak, nan kaciek sayo paradiek, samo gadang lawan baiyo, rila jo mooh sayo pinto.

Adopun sambah nan kan sayo pasambahkan, bak pitua datuak-datuak juo :

Carano bari batagak banamo patah sambilan

Kaba Pusako sayo bukak, rila jo maoh dipintokan. 

Sayo malompek nak basitumpu, 

mamancang nak basangkalan, 

manyaik nak bapamagangan. 

Usahlah sayo bak mamungkang balam dalam rambun, 

pauah tumbuah di lambah, 

buli-buli sangkuiktan puan 

sayo datang manyampaikan sambah 

di bawah duli mangkuto tuan. 

Dibao anak puto-puto, dibao anak sutan-sutan, dibao anak rajo-rajo, 

di dalam nagari nan ampek suku.

Dilegakan carano nan ampek, nan duo lalu pado tuan nan ciek latak di tangah 

nan ciek tingga dek kami, itulah nan ka untuak niniek muyang. 

Adopun carano nantun, lai batirai baantiang-antiang, lai batatah paramato, buektan Singkarak jo Sulik Aie. 

Adopun carano nantun, lai barisi salangkoknyo, sirieh udang tampa hari, tampuaknyo manguku balam, buahnyo jarang basuo, batang diambiek ka tinaman, 

sabulan dalam pangguluangan, usahkan busuak batambah iduik. 

Kok dietong pado pinangnyo, batutuik pinang batutuah, bak dasun dibalah duo, bak bawang dibalah ampek, tumbuah di lereang pasagian. 

Urek nan lalu ka sarugo, jelo bajelo di tapian, tingginyo jangkau-jangkauan, 

sataun tupai mamanjek, tigo bulan salodang jatuah, baanyo kito mamanjeknyo. 

Lai bapanggie ungko jo siamang, mintak izin ka ureknyo, paambiek sado nan paguno, paguno dek kito nan basamo.

Kok dietong pado gambienyo, gambie nan dari Sarilamak, buektan anak Indojati, tuangan ameh jo timbago. 

Kok dietong pado sadahnyo, sadah putieh langkitang lawik, dikisa jo pati santan, dituhuak jo aie bungo, sakadam sakati limo. 

Kok pandai mamalik sadah, dipalik jo ujuang tunjuak, dikisa jo jari manih, kok tak pandai mamalik sadah, tapalik sakadamnyo.

Durian Siulak baliek, 

buahnyo jatuah babelok, 

sahariko danak nan baiek, 

samalamko kutiko nan elok. 

Sirieh baikek jo janji, janji baikek jo buektan. 

Tipak nan dari pado itu, saparati sirieh nan sacabiek, pinang nan sagatok, sadah nan sapalik, dek awa kato nan sapatah, tagak dek imbau nan sabuah, 

sambah tajelo pek nan rapek , tatabua di tangah-tangah. 

Sambah nan kan sayo sambahkan, tumbuah sarupo iko kini, 

utang dek diri sipangkalan, iyo dek badan diri sayo, 

taniek di dalam hati, tangiang-ngiang dipikiran, siang manjadi angan-angan, 

malam manjadi buah mimpi. 

Adopun nan dipasambahkan, tanun batanam aka budi, sulam sari Minangkabau, 

kaba pusako muyang kito, iyolah Kaba Tareh nan disambahkan. 

Adopun Kaba Tareh, Kaba Pusako Minangkabau, ado ampek parakaro : 

Nan partamo Tareh Batang 

nan kaduo Tareh Daulu 

nan katigo Tareh Kudian 

nan kaampek Tareh Runuik. 

Adopun nan dikatokan Tareh Batang 

partamo Kaba Datuak Dingalau 

kaduo Kaba Sariputi 

katigo Kaba Ruhun Jani 

kaampek Kaba Datuak Cati.

Tipak kapado Tareh Daulu 

partamo Kaba Parapatieh 

kaduo Kaba Indojali 

katigo Kaba Talago Undang 

kaampek Kaba Taruih Mato. 

Sauak kapado Tareh Kudian, 

partamo Kaba Bukik Siguntang-guntang 

kaduo Kaba Ameh Urai 

katigo Kaba Batang Hari 

kaampek Kaba Indang Bumi. 

Nan disabuik Tareh Runuik, 

partamo Kaba Cindua Mato 

kaduo Kaba Sibaribuik 

katigo Kaba Anggun Nan Tungga 

kaampek Kaba Gombang Patuanan. 

Tipak di danak sahariko, iyo kutiko di malamko, 

kaba tareh dilewakan, iyo kapado nan basamo, 

bak kato urang tuo-tuo, adaik limbago di galanggang, pakai janang jo juaro. 

Namun samantangpun bak itu, tipak ka badan diri sayo, silang nan bapangka, karakok nan bajunjuang, karajo nan bapokok, umua baru sataun jaguang, darah baru satampuak pinang, pandapek alun sabarapo, 

maoh jo ampun sayo pinto. 

Kok basuo jalan basimpang, caliek tampuah kasadonyo bulieh tau bateh inggannyo. 

Bak pitua datuak datuak datuak juo, kok sasek di ujuang jalan, capek kumbali ka pangka jalan, kok sasek di rimbo gadang, capek panjek kayu nan tenggi, tapi kok sasek di gurun nana, takuakan badan sakutiko, kana diri kanalah badan, siapo badan diri nangko. 

Jikok ado siapo madokan, jikok duduak siapo manduduakkan, jikok tagak siapo managakkan, alam tardiri Tuhan mambari, dunsanak nan capek maranuangkan, ka langik sanak gantuang tinggi, ka bumi sanak kalikan dalam. 

Jikok alah nan bak kian, manyarah kito pado Allah, tagaklah capek basugiro, turuik kamano ampu kaki, kok lai untuang takadie Allah, 

kito basuo jo batehnyo.