MENYIGI SUDUT RUMAH GADANG

Rumah Gadang Dalam Kenangan

Rumah gadang sambilan ruang
Salanja kudo balari
Sapakiak budak maimbau
nan salitak kuciang malompek
Tiangnyo basandi batu
Sandi banamo alue adaik
Tonggak banamo kasandaran
Tonggak gaharu lantai candano
Atok ijuak dindiang baukie
Cando bintangnyo bakilauan
Gonjongnyo rabuang mambuncik
Bubungannyo burak katabang
Tuturannyo labah mangirok
Sapantaun karo bajuntai
Paran bagamba ula ngiang
Bagaluik rupo ukie Cino
Batatah jo aie ameh
Salo manyalo aie perak
Taralinyo gadiang balariak
Bangunan gajah maharam
Anjuang batingkek ba alun alun
Katampaik paranginan puti
limpapeh rumah nan gadang
Sumarak didalam kampuang
Hiasan dalam nagari

Rumah gadang salangko gadiang
Sakijok kubin malayang
Sakuaiak kuaran tabang
Tunggak dipiliah dalam rimbo
Banyaklah urang nan maramu
Tiang tapi panague alek
Tiang temban suko mananti
Tiang tangah manti salapan
Tiang dalam puti bakuruang
Tiang panjang si Majolelo
Tiang salek dindiangnyo samie
Tiang dapue suko dilabo
Disapu jo tanah kawi
Ukie tonggak jadi ukuran
dama tirih bintang gumarau
Indak pueh mato mamandang
Baanjuang pangka jo ujuang
Paran bak ula mangulampai
Awek awek kambang bataduah
Dampa dampa siula paduak
Rasuaknyo tareh limpato
Palanca puyuah balari
Atok ijuak batatah timah
Alue saga labah marasok
Antiang antiang disemba buruang
Taranwang maancang tarang
Calekak padang basentak

Kok diliek ka lantainyo
Ka ujuang rajo babandiang
Ka pangka surambi papek
Data balantai papan
Licin balantai kulik
Pautan undang sangkutan pusako
Tampek maniru manuladan
Mamakai raso jo pareso
Manganduang malu jo sopan
Raso samo dibaok naiak
Pareso samo dibawo turun

Batu tapak-an carano basa
Ciluak mariau baru sudah
Pananjue piriang nan bapanto
Janjangnyo perak baelo
Anak janjang kanso balariak
Sangkuik baukie tampuak manggih
Pudiang perak paga didalam
Pudiang ameh paga di lua
Halaman cindai tagerai
kasiak badarai bak ditintiang
Jarum sabuah ndak kahilang

Lumbuang baririk di halaman
Rangkiang tujuah sajaja
Kapuak gadang salo manyalo
Kapuak ketek salek manyalek
Ditapi banamo sitinjau lauik
Paninjau pincalang masuak
Kapanague dagang kamalamam
Panenggang anak dagang lalu
Ditangah banamo si Bayau bayau
Lumbuang makanan patang pagi
Dipangka banamo si tangka Lapa
Tampaik nan bangsaik salang tenggang
Panangka lapa dalam kaum
Kok tibo musim gantuang tungku
Sabuah banamo Pati Jantan
Untuak tungganai dalam kaum
Nan banamo Rangkiang Kapuak Galuang
Untuak panghulu kapalo suku
Nan banamo Arimau pauni koto
Guno pambangunan di nagari
Birawari lumbuang nan banyak
Makanan anak kamanakan

Lasuangnyo batu balariak
Alu limpato dibulekkan
Limau manih sandaran alu
Kamuniang pautan kudo
Langkok batabek parikanan
Aienyo janiah bak mato kuciang
Ikan gariangnyo jinak jinak
Ikan rayonyo baradai ameh
Jikok ditimpo paneh patang
Kilau kamilau rupo sisiaknyo
Silaulah mato mamandangnyo
Hiduik batampek mati bakubue
Kuburan hiduik di rumah gadang
Kuburan mati ditangah padang

Kuaik rumah karano sandi
Rarak sandi rumah binaso
Kuaik bangso karano budi
Rusak budi hancualah bangso.

Comments

Post a Comment

Popular posts from this blog

MAKNA LAMBANG MINANGKABAU

Image
Makna Lambang Minangkabau Tuah Sakato; Lambang Masyarakat Nan Sakato (Mufakat) “Saciok Bak Ayam Sadanciang nak basi” Bola – Bulan Bintang: Lambang Tauhid Islam. "Adat basandi sarak Syarak basandi Kitabullah (Alqu'ran)". Tanduk Kerbau; Lambang Kearifan – Kecerdikan – Ketekunan dan Keuletan "Alun takilek lah bakalam Hiduik baraka Baukue jo bajangko". Payung Panji; Lambang Kemulian – Keamanan – dan Kesejahteraan Masyarakat "Bumi Sanang padi manjadi Padi masak jagung maupie Anak Buah sanang santoso Taranak bakambang biak Bapak kayo mandeh batuah Mamak disambah urang pulo". Keris dan Pedang; Lambang kesatuan Hukum Adat dan Hukum Islam untuk menjamin ketertiban masyarakat Tombak; Lambang Ketahanan Masyarakat. "Kampuang nan bapaga buek Nagari bapaga Undang. Tagak basuku – mamaga suku Tagak bakampuang – mamaga kampuang Tagak ba nagari – mamaga nagari". Marawa Lambang Wilayah Adat Luhak nan Tigo Warna Kuning : Lambang Luhak Tanah Datar War
Read more

BATAS ALAM MINANGKABAU

Image
:: MINANGKABAU TIDAK SEBATAS SUMATERA BARAT :: Sangat banyak ditemukan akhir - akhir ini pemahaman orang yang mengatakan bahwa minangkabau hanyalah sebatas sumatera barat. Apakah pemahaman itu benar adanya? Menjadi sebuah pertanyaan yang perlu kita bahas lebih dalam. Mari kita lihat tambo adat berikut ini yang membahas batas - batas wilayah Minangkabau: Dari Sikilang Aia Bangih Hingga Taratak Aia Hitam Dari Durian Ditakuak Rajo Hingga Sialang Balantak Basi Sikilang Aia Bangih adalah batas utara, sekarang di daerah Pasaman Barat, berbatasan dengan Natal, Sumatera Utara. Taratak Aia Hitam adalah daerah Bengkulu. Durian Ditakuak Rajo adalah wilayah di Kabupaten Bungo, Jambi. Yang terakhir, Sialang Balantak Basi adalah wilayah di Rantau Barangin, Kabupaten Kampar, Riau sekarang. Secara lengkapnya, di dalam tambo dinyatakan bahwa Alam Minangkabau (wilayah Minangkabau) adalah sebagai berikut: Nan salilik Gunuang Marapi Daerah Luhak nan Tigo Saedaran Gunuang Pasaman Daerah di seke
Read more

RANGKIANG NAN SAMBILAN

Image
Assalamualaikum, Nama Macam Macam Rangkiang Rumah Gadang Minangkabau Ada yang kurang sepertinya dalam kompleks rumah gadang di Minangkabau tanpa rangkiang. Dengan adanya rangkiang ini dipastikan akan menambambah keindahan Ada yang kurang sepertinya dalam kompleks rumah gadang di Minangkabau tanpa rangkiang. Dengan adanya rangkiang ini dipastikan akan menambah pesona tersendiri dari tampilan halaman rumah gadang, lebih bersemarak. Adanya rangkiang ini sebagai perlambang bahwasanya penghuni rumah memiliki kecukupan. Sudah kita ketahui bahwasanya fungsi rangkiang di halaman Rumah Gadang adalah sebagai tempat menyimpan padi selain Lumbuang dan Kapuak. Artistik rangkiang ini hampir sama dengan rumah gadang. Di dalamnya hanya berupa sebuah ruangan. Mengenai ukuran tentu saja lebih kecil. Ya seperti 'pondok kecil' seperti rumah gadang di halaman rumah gadang. Dari banyak sumber yang dikumpulkan, ada beberapa jenis rangkiang beserta kegunaannya. Menurut H Djafri Datuak Lubu
Read more